15ನೇ ವಾರ್ಡಿನಲ್ಲಿ ಮಕ್ಕಳಿಂದ ಸಂಭ್ರಮದ ಗಣೇಶೋತ್ಸವ
ಗಣೇಶ ಹಬ್ಬದ ಆಚರಣೆಯಲ್ಲಿ ಮಕ್ಕಳ ಉತ್ಸಾಹಕ್ಕೆ ಮೆರಗು
ಕನಕಗಿರಿ: ಪಟ್ಟಣದ 15ನೇ ವಾರ್ಡಿನಲ್ಲಿ ಗಣೇಶ ಹಬ್ಬವನ್ನು ಮಕ್ಕಳು ಅತ್ಯಂತ ಸಂಭ್ರಮ ಹಾಗೂ ಭಕ್ತಿಭಾವದಿಂದ ಆಚರಿಸಿದರು. ಗಣೇಶನ ಮೂರ್ತಿಯನ್ನು ಪ್ರತಿಷ್ಠಾಪಿಸಿ, ವಿಶೇಷ ಪೂಜೆ ಸಲ್ಲಿಸುವ ಮೂಲಕ ಹಬ್ಬಕ್ಕೆ ಮೆರುಗು ತಂದರು.
ಗಣೇಶ ಹಬ್ಬ ಎಂದರೆ ಮಕ್ಕಳಿಗೆ ಎಲ್ಲಿಲ್ಲದ ಸಂತೋಷ. ಹಬ್ಬದ ಸಡಗರ, ಪೂಜಾ ವಿಧಿ-ವಿಧಾನಗಳು, ಹೂವು-ಹಣ್ಣುಗಳ ಅಲಂಕಾರ ಸೇರಿದಂತೆ ಪ್ರತಿಯೊಂದು ಆಚರಣೆಯಲ್ಲೂ ಮಕ್ಕಳು ಉತ್ಸಾಹದಿಂದ ಪಾಲ್ಗೊಂಡರು. ಪುಟ್ಟ ಮಕ್ಕಳಿಂದ ನಡೆದ ಗಣೇಶನ ಪೂಜೆ ಹಾಗೂ ಹಬ್ಬದ ಆಚರಣೆಯ ದೃಶ್ಯಗಳು ನೋಡುಗರ ಗಮನ ಸೆಳೆದವು.
ಮಕ್ಕಳು ಗಣೇಶನಿಗೆ ಹೂವು, ಹಣ್ಣು, ನೈವೇದ್ಯ ಅರ್ಪಿಸಿ ಭಕ್ತಿಯಿಂದ ಪೂಜೆ ಸಲ್ಲಿಸಿದರು. ಮಕ್ಕಳ ಆಸಕ್ತಿಯನ್ನು ಕಂಡು ಪಾಲಕರು ಕೂಡ ಅವರಿಗೆ ಅಗತ್ಯವಾದ ಹೂವು, ಹಣ್ಣು ಹಾಗೂ ನೈವೇದ್ಯ ಸಾಮಗ್ರಿಗಳನ್ನು ಕೊಡಿಸಿ ಪ್ರೋತ್ಸಾಹಿಸಿದರು. ಮಕ್ಕಳ ಮುಖದಲ್ಲಿನ ಸಂತೋಷ ಹಾಗೂ ಭಕ್ತಿಭಾವದಲ್ಲಿ ಗಣೇಶನ ಮೇಲಿನ ಅಪಾರ ನಂಬಿಕೆ ಕಂಡುಬಂತು.
ಗಣೇಶ ಹಬ್ಬವು ಮಕ್ಕಳಲ್ಲಿ ಧಾರ್ಮಿಕ ಆಚರಣೆಗಳ ಬಗ್ಗೆ ಆಸಕ್ತಿ ಮೂಡಿಸುವುದರ ಜೊತೆಗೆ, ಒಗ್ಗಟ್ಟು, ಭಕ್ತಿ ಹಾಗೂ ಸಂಭ್ರಮವನ್ನು ಬೆಳೆಸುವ ಹಬ್ಬವಾಗಿದೆ. 15ನೇ ವಾರ್ಡಿನ ಮಕ್ಕಳ ಗಣೇಶೋತ್ಸವವು ಹಬ್ಬದ ಸಂಭ್ರಮಕ್ಕೆ ಮತ್ತಷ್ಟು ಮೆರಗು ನೀಡಿತು.
ಗೌತಮ್ ಯಾದವ್ ಕನಕಗಿರಿ ಪ್ರಜಾ ಶ್ರೀ ಪತ್ರಿಕೆ ಕೊಪ್ಪಳ ಜಿಲ್ಲಾ ವರದಿಗಾರ 8867257737
