ಇಂಡಕ್ಷನ್ ಆಧಾರಿತ ಅಡುಗೆ ವ್ಯವಸ್ಥೆಗಳು ಶಕ್ತಿದಕ್ಷತೆ, ಪರಿಸರ ಸ್ನೇಹಿತ್ವ – ಡಾ. ಎಸ್.ಎನ್. ಚಂದ್ರಮೌಳಿ ಬೆಂಗಳೂರು.

ಇಂಡಕ್ಷನ್ ಆಧಾರಿತ ಅಡುಗೆ ವ್ಯವಸ್ಥೆಗಳು ಶಕ್ತಿದಕ್ಷತೆ, ಪರಿಸರ ಸ್ನೇಹಿತ್ವ – ಡಾ. ಎಸ್.ಎನ್. ಚಂದ್ರಮೌಳಿ ಬೆಂಗಳೂರು. ಇಂಡಕ್ಷನ್ ಆಧಾರಿತ ಅಡುಗೆ ವ್ಯವಸ್ಥೆಗಳು ಶಕ್ತಿದಕ್ಷತೆ, ಪರಿಸರ ಸ್ನೇಹಿತ್ವ ಎಂದು ಡಾ . ಚಂದ್ರಮೌಳಿ ಅವರು ಇಂದು ಬೆಂಗಳೂರು ಪ್ರೆಸ್ ಕ್ಲಬ್ ನಲ್ಲಿ ತಿಳಿಸಿದರು . ಅಡುಗೆ ಅನಿಲದ ಕೊರತೆಯ ಆತಂಕದ ನಡುವೆ ಹೋಟೆಲ್‌ಗಳು ಹಾಗೂ ಆಹಾರ ಉದ್ಯಮಕ್ಕೆ ಪರ್ಯಾಯವಾಗಿ ವಾಣಿಜ್ಯ ಇಂಡಕ್ಷನ್ ತಂತ್ರಜ್ಞಾನ ಮುಂದಾಗಿದೆ. ಪಶ್ಚಿಮ ಏಷ್ಯಾದ ಉದ್ವಿಗ್ನತೆ ಬಳಿಕ ಎಲ್‌ಪಿಜಿ ಸರಬರಾಜಿನಲ್ಲಿ ಉಂಟಾದ ವ್ಯತ್ಯಯದಿಂದ ಹಲವೆಡೆ ಅಡುಗೆ ಅನಿಲದ ಅಭಾವ ತಲೆದೋರಿದ್ದು, ವಿಶೇಷವಾಗಿ ಹೋಟೆಲ್‌ಗಳ ಅಡುಗೆಮನೆಯಲ್ಲಿ ಸಮಸ್ಯೆ ಗಂಭೀರವಾಗಿದೆ…. ಈ ಹಿನ್ನೆಲೆಯಲ್ಲಿ, ಲೋರ್ಮನ್ ಕಿಚನ್ ಎಕ್ವಿಪ್‌ಮೆಂಟ್ಸ್ ಸಂಸ್ಥೆ ಅಡುಗೆ ಅನಿಲಕ್ಕೆ ಹೋಲಿಸಿದರೆ ಶೇಕಡಾ 60ರಷ್ಟು ಕಡಿಮೆ ವೆಚ್ಚದಲ್ಲಿ ಆಹಾರ ತಯಾರಿಸಲು ನೆರವಾಗುವ ಆಧುನಿಕ ವಾಣಿಜ್ಯ ಇಂಡಕ್ಷನ್ ಅಡುಗೆ ತಂತ್ರಜ್ಞಾನವನ್ನು ಪರಿಚಯಿಸಿದೆ. ಈ ವ್ಯವಸ್ಥೆಯ ಇನ್ನೊಂದು ವೈಶಿಷ್ಟ್ಯವೆಂದರೆ, ಅಡುಗೆ ಪಾತ್ರೆಗಳು ಕಪ್ಪಾಗುವುದಿಲ್ಲ ಮತ್ತು ಸ್ವಚ್ಛತೆ ಕಾಪಾಡುವುದು ಸುಲಭವಾಗುತ್ತದೆ.
ಸಂಸ್ಥೆಯ ನಿರ್ದೇಶಕ ಡಾ. ಎಸ್.ಎನ್. ಚಂದ್ರಮೌಳಿ ಮಾತನಾಡಿ, ದೇಶದಾದ್ಯಂತ ಹೋಟೆಲ್‌ಗಳು, ರೆಸ್ಟೋರೆಂಟ್‌ಗಳು, ರಿಸಾರ್ಟ್‌ಗಳು ಹಾಗೂ ಕ್ಲೌಡ್ ಕಿಚನ್‌ಗಳು ಎಲ್‌ಪಿಜಿ ಮೇಲೆ ಅವಲಂಬಿತವಾಗಿವೆ. ಆದರೆ ಇತ್ತೀಚಿನ ಜಾಗತಿಕ ಪರಿಸ್ಥಿತಿಯಿಂದ ಅನಿಲದ ಕೊರತೆ ಉಂಟಾಗಿ, ಅಡುಗೆಮನೆಗಳ ಕಾರ್ಯಕ್ಷಮತೆ ಮತ್ತು ಸೇವಾ ನಿರಂತರತೆ ಮೇಲೆ ಪರಿಣಾಮ ಬೀರುತ್ತಿದೆ ಎಂದು ತಿಳಿಸಿದರು.
ವಾಣಿಜ್ಯ ಇಂಡಕ್ಷನ್ ತಂತ್ರಜ್ಞಾನವು ಈ ಸಮಸ್ಯೆಗೆ ಸರಳ ಮತ್ತು ಪರಿಣಾಮಕಾರಿ ಪರಿಹಾರವಾಗಿದ್ದು, ಎಲ್‌ಪಿಜಿ ಅವಲಂಬನೆಯನ್ನು ಸಂಪೂರ್ಣವಾಗಿ ಕಡಿಮೆ ಮಾಡುತ್ತದೆ. ಶಾಖ ಹೊರಹೊಮ್ಮುವಿಕೆ ಕಡಿಮೆ ಇರುವುದರಿಂದ, ಅಡುಗೆಮನೆಯಲ್ಲಿ ಕೆಲಸ ಮಾಡುವ ಸಿಬ್ಬಂದಿಗೆ ಸುರಕ್ಷಿತ ಹಾಗೂ ಆರಾಮದಾಯಕ ವಾತಾವರಣ ಒದಗಿಸುತ್ತದೆ ಎಂದರು.
ಇಂಡಕ್ಷನ್ ಆಧಾರಿತ ಅಡುಗೆ ವ್ಯವಸ್ಥೆಗಳು ಶಕ್ತಿದಕ್ಷತೆ, ಪರಿಸರ ಸ್ನೇಹಿತ್ವ ಹಾಗೂ ನಿಖರ ತಾಪಮಾನ ನಿಯಂತ್ರಣದ ಮೂಲಕ ಆಹಾರದ ಗುಣಮಟ್ಟವನ್ನು ಸ್ಥಿರವಾಗಿಡಲು ಸಹಕಾರಿಯಾಗುತ್ತವೆ. ಸಣ್ಣ ಹೋಟೆಲ್‌ಗಳಿಂದ ದೊಡ್ಡ ಕೈಗಾರಿಕಾ ಆಹಾರ ಉತ್ಪಾದನಾ ಘಟಕಗಳವರೆಗೆ ಎಲ್ಲಾ ಮಟ್ಟದ ಅಡುಗೆಮನೆಗಳಿಗೆ ಇದು ಸೂಕ್ತವಾಗಿದೆ ಎಂದರು.
ವೈಜ್ಞಾನಿಕ ರೀತಿಯಲ್ಲಿ ಅಳವಡಿಸಿದಲ್ಲಿ, ಇವು ಇಂಧನ ವೆಚ್ಚವನ್ನು ಗಮನಾರ್ಹವಾಗಿ ಕಡಿಮೆ ಮಾಡುತ್ತದೇ ಎಂದರು. ಸಾಂಪ್ರದಾಯಿಕ ಎಲ್‌ಪಿಜಿ ಆಧಾರಿತ ಅಡುಗೆ ವ್ಯವಸ್ಥೆಗಳಿಗೆ ಹೋಲಿಸಿದರೆ ಶೇಕಡಾ 60ರಷ್ಟು ಉಳಿತಾಯ ಸಾಧ್ಯವೆಂದು ಎಂದರು.
ಲೋರ್ಮನ್ ಸಂಸ್ಥೆ ದೇಶಾದ್ಯಂತ ಟರ್ನ್‌ಕಿ ವಾಣಿಜ್ಯ ಇಂಡಕ್ಷನ್ ಕಿಚನ್‌ಗಳ ವಿನ್ಯಾಸ, ಉತ್ಪಾದನೆ, ಸ್ಥಾಪನೆ ಮತ್ತು ಕಾರ್ಯಾರಂಭದಲ್ಲಿ ಪರಿಣತಿ ಹೊಂದಿದ್ದು, ಪ್ರಸ್ತುತ ಅನಿಲ ಕೊರತೆಯನ್ನು ಹೋಟೆಲ್‌ಗಳು ತಮ್ಮ ಅಡುಗೆ ಮೂಲಸೌಕರ್ಯವನ್ನು ಆಧುನೀಕರಿಸಲು ಒಂದು ಅವಕಾಶವಾಗಿ ಬಳಸಿಕೊಳ್ಳಬೇಕು ಎಂದು ಡಾ. ಚಂದ್ರಮೌಳಿ ತಿಳಿಸಿದರು . ವರದಿ. ಮಂಜುಳಾ ರೆಡ್ಡಿ